Нууцлалын бодлого
Хүчин төгөлдөр болсон огноо: 2026 оны 10-р сарын 1
Энэхүү нууцлалын бодлого нь Контент Дистрибьюшн ХХК (цаашид “бид”) таныг iOS, Android болон веб дээрх Aniverse апп болон энэ вебсайтыг ашиглах үед хувийн мэдээллийг хэрхэн цуглуулж, ашиглаж, хамгаалдгийг тайлбарлана.
1. Бид хэн бэ
Контент Дистрибьюшн ХХК нь Монгол Улсад бүртгэлтэй компани юм. Бид Aniverse аниме стриминг үйлчилгээг ажиллуулдаг бөгөөд энэхүү бодлогод заасан хувийн мэдээллийг хариуцна.
2. Бидний цуглуулдаг мэдээлэл
Бид Aniverse үйлчилгээг үзүүлэхэд шаардлагатай мэдээллийг л цуглуулна:
Бүртгэлийн мэдээлэл
- И-мэйл хаяг, гар утасны дугаар
- Харагдах нэр, төрсөн огноо, профайл зураг (аватар)
- Нууц үг — зөвхөн hash хэлбэрээр хадгалагдана, бид нууц үгийг ил хэлбэрээр хэзээ ч хадгалдаггүй
Төхөөрөмж болон техникийн мэдээлэл
- Төхөөрөмжийн таних дугаар, загвар, үйлдлийн систем
- IP хаяг
- Push мэдэгдлийн токен
- Таны бүртгэлээр нэвтэрсэн төхөөрөмжүүдийн жагсаалт
Ашиглалтын мэдээлэл
- Үзсэн түүх, үзэж буй явц
- Үзэх жагсаалт, үнэлгээ, сэтгэгдэл
- Татаж авсан контентын жагсаалт
Тусламжийн хүсэлт
- Тусламж авахаар бидэнтэй холбогдох үед илгээсэн мэдээлэл
3. Мэдээллийг хэрхэн ашигладаг
- Aniverse үйлчилгээг үзүүлэх, хэвийн ажиллуулах, сайжруулах
- И-мэйл эсвэл SMS-ээр илгээсэн нэг удаагийн кодоор (OTP) бүртгэл үүсгэх, баталгаажуулах
- Бүртгэлийн аюулгүй байдлыг хангах, нэвтэрсэн төхөөрөмжүүдийг удирдах, залилан болон зүй бус хэрэглээнээс сэргийлэх
- Үргэлжлүүлэн үзэх болон танд тохирсон санал болголтыг харуулах
- Таны зөвшөөрсөн тохиолдолд шинэ анги болон бүртгэлийн талаар мэдэгдэл илгээх
- Тусламжийн хүсэлтэд хариулах
- Хуульд заасан үүргээ биелүүлэх
5. Хадгалах хугацаа ба бүртгэл устгах
Таны бүртгэл идэвхтэй байх хугацаанд бид мэдээллийг хадгална.
Та бүртгэлээ апп доторх Миний бүртгэл → Бүртгэл устгах хэсгээс устгах боломжтой. Ингэснээр таны бүртгэл 30 хоногийн дараа бүрмөсөн устгагдахаар товлогдоно. Энэ хугацаанд дахин нэвтэрч ороод устгалтыг цуцлах боломжтой. 30 хоногийн дараа таны бүртгэл болон түүнтэй холбоотой хувийн мэдээлэл бүрмөсөн устгагдана. Хуулиар хадгалах шаардлагатай бүртгэл үүнд хамаарахгүй.
6. Таны эрх
Хүний хувийн мэдээлэл хамгаалах тухай хуулийн дагуу та өөрийн хувийн мэдээлэлтэй танилцах, засварлуулах, устгуулах болон өгсөн зөвшөөрлөө цуцлах эрхтэй. Бүртгэлийн ихэнх мэдээллээ апп доторх Миний бүртгэл → Бүртгэлийн мэдээлэл хэсгээс өөрчилж болно.
Эдгээр эрхээ эдлэхийг хүсвэл admin@contentdistribution.mn хаягаар бидэнд хандана уу.
7. Хүүхэд
Aniverse нь 13-аас доош насны хүүхдэд зориулагдаагүй. 13-аас доош насны хүүхэд зөвхөн эцэг эх, асран хамгаалагчийнхаа зөвшөөрлөөр Aniverse-ийг ашиглана. Хэрэв хүүхэд ийм зөвшөөрөлгүйгээр бидэнд хувийн мэдээллээ өгсөн гэж үзвэл бидэнтэй холбогдоно уу. Бид уг мэдээллийг устгана.
8. Аюулгүй байдал
Бид таны мэдээллийг дамжуулалтын үеийн шифрлэлт (TLS), hash хэлбэрээр хадгалсан нууц үг, системд хандах эрхийн хязгаарлалтаар хамгаалдаг. Мэдээлэл дамжуулах, хадгалах ямар ч арга бүрэн найдвартай байж чадахгүй ч бид таны мэдээллийг хамгаалахын төлөө тасралтгүй ажилладаг.
9. Бодлогын өөрчлөлт
Бид энэхүү бодлогыг үе үе шинэчилж болно. Шинэ хувилбарыг энэ хуудсанд нийтэлж, дээрх хүчин төгөлдөр болсон огноог шинэчилнэ.
10. Холбоо барих
Контент Дистрибьюшн ХХК
И-мэйл: admin@contentdistribution.mn
Утас: +976 7777 8989